четврток, јуни 13, 2024
spot_img
Повеќе

    Турската компанија АКСА заинтересирана за соработка со АД ЕСМ за инвестиции во енергетиката во Северна Македонија

    Високи претставници на турската компанија АКСА денеска беа во посета на АД ЕСМ, при што изразија интерес за инвестирање во енергетскиот сектор во земјава, а воедно двете енергетски компании се запознаа со делокругот на работа и дејностите што се изведуваат во рамките на секоја фирма.

    -Од страна на раководството на АД ЕСМ, претставниците на АКСА беа запознати со тековните инвестиции, односно изградбата на електрани од обновливи извори, а пред сè фотоволтаични и ветерни електрани, како и плановите за нови капацитети од обновливи извори кои ќе бидат лоцирани на исцрпените наоѓалишта на јаглен во РЕК Битола, по примерот на веќе реализираните проекти во РЕК Осломеј, како и на други места во рамките на постоечките производни ткапацитети на АД ЕСМ, посочуваат од ЕСМ.

    АКСА е најголемиот самостоен производител на електрична енергија во Турција, преку електрани на различни погони: јаглен, природен гас, мазут и хидроелектрани.

    Средба на Пендаровски со турскиот министер за енергетика и природни ресурси

    Претседателот на Република Северна Македонија, Стево Пендаровски денеска оствари средба со Фатих Донмез, министер за енергетика и природни ресурси на Република Турција, на која, како што информираат, било изразено задоволство од одличните билатерални односи и успешната соработка помеѓу двете земји, коишто се развиваат во духот на традиционалното пријателство и партнерство.

    Како што информираат од Кабинетот на Пендаровски, соговорниците разговарале за состојбите и предизвиците во областа на енергетиката, предизвикани од војната во Украина, како и за справување со последиците врз економиите на државите, при што оцениле дека и покрај добрата економска соработка, двете држави треба да ја интензивираат и соработката на енергетски план, согласно движењата на политиките во светски и европски рамки.

    Претседателот Пендаровски изразил очекување за финализирање на меморандумот за соработка во областа на енергетиката помеѓу двете држави, што ќе придонесе за зголемување на соработката, размена на искуства и поддршка во делот на гасификацијата.

    НАЈНОВИ ВЕСТИ