сабота, февруари 4, 2023
spot_img
Повеќе

    Постигнат е договор во ЕУ: Руска нафта – до 60 долари од барел

    Земјите од Европската унија се согласија да ја ограничат цената што ќе ја платат за руската нафта, ставајќи крај на неколкудневните расправии околу тоа колку тешко ќе се погодат приходите од фосилните горива на Владимир Путин.

    Според дипломатите на ЕУ, денеска бил направен договор.

    Полска се издржуваше за поостро ограничување на цената на руската нафта. На крајот Полска се согласи со договорот на Европската Унија за ограничување горната граница на цената на што Русија ја извезува по морски пат на 60 долари за барел, јавуваат агенциите.

    Системот ќе се ревидира на секои два месеци, рече еден од дипломатите. Целта е ограничувањето да се постави на ниво кое е најмалку 5 отсто под пазарната цена на руската сурова нафта, додаде дипломатот.

     

    Планот на ЕУ беше изготвен по одлуката на Г7 за ограничување на цената што се плаќа за руската нафта.

    Минатата недела рускиот претседател Владимир Путин предупреди дека секој обид на Западот да ја ограничи цената на руската нафта ќе има „тешки последици“ за светските пазари.

    Но, Вашингтон и неколку негови сојузници – групата седум главни индустријализирани демократии (Г7), ЕУ и Австралија – најавија дека ќе опстојат на мерката.

    Министрите за нафта од групата ОПЕК + производители на овој енергетски производ ќе се сретнат во недела во Виена.

    НАЈНОВИ ВЕСТИ

    Струја