петок, април 19, 2024
spot_img
Повеќе

    Макпетрол: Цената на природниот гас од домашна компанија ќе биде пониска од таа на бугарската што ја прифати ЕСМ продажба

    Државната компанија „ЕСМ продажба“ вчера објави дека потпишала договор за набавка на природен гас за топланите и за другите потрошувачи во земјата, почнувајќи од 1 јануари 2023 година, со фирмата Balkan Utilities од Бугарија.

    Како еден од учесниците во овој јавен повик, „Макпетрол“ има низа забелешки и прашања за кои што смета дека јавноста треба да биде информирана, имајќи предвид дека се работи за трошење буџетски пари во време на криза, во исто време кога самата Влада во секоја можна прилика истакнува дека мора да се штеди и да се биде повнимателен со трошењата.

    Како „ЕСМ продажба” го штити јавниот интерес со набавка на гас за четири месеци однапред, прашува „Макпетрол“ во денешното соопштние за јавност.

    – Најпрво, „ЕСМ продажба” нагласува дека бугарската фирма дала цена од 115.97 евра за мегават час за јануари, а „Макпетрол” понуди 116.20 евра за истиот период, која што би била подложна на промени. Точно е дека сумата што „Макпетрол” ја понуди не е фиксирана, меѓутоа, проценките се дека гасот во следниот период ќе биде поевтин, што значи дека цената на македонската компанија многу веројатно ќе биде пониска од таа на бугарската. Впрочем, тоа го знае и „ЕСМ продажба”, бидејќи претходно набавуваше гас за период од 15 дена со цел да се обезбеди што подобра цена. Тука се поставува прашањето како пред јавноста ќе се оправда овој договор, доколку цената што „Макпетрол” би ја понудил биде пониска за јануари, но и за следните четири месеци, односно до 1 мај, до кога е објавено дека важи новиот договор – велат од „Макпетрол“.

    Од компанијата додаваат дека според последните пресметки и состојбата на пазарот со природен гас, „Макпетрол” уште денеска би понудил пониска цена за јануари од таа на бугарската компанија.

    „Макпетрол“ забележува и на одлуката „ЕСМ продажба” природниот гас да биде наменет за производство на топлинска енергија за топланите Исток, Запад, Енергетика и Скопје Север, како и за останатите потрошувачи на природен гас, пред сè, поголемите производствени и услужни капацитети, што како што велат од компанијата, дел од овие капацитети на сопствени јавни набавки би добиле пониски цени.

    – На овој план, како сето ова би се извело, ако се знае дека меѓу овие потрошувачи има и јавни, односно, државни правни субјекти, кои за да купат природен гас секој засебно мора да се придржува до законот за јавни набавки. Ова значи дека сите тие би требало да си објават свој повик за да обезбедат природен гас. Конкретно, „Енергетика”, како долгогодишен партнер, од „Макпетрол” доби цена на природен гас што е пониска од таа која „ЕСМ продажба” ја договорил со Balkan Utilities. Тука се поставува прашањето зошто овој правен субјект треба да плаќа повеќе, ако веќе има обезбедено финансиски поекономична понуда – велат од „Макпетрол“.

    Дополнително, „Макпетрол” е должен да ја информира јавноста дека и покрај тоа што сите процедури се испочитувани, државната компанија ГА-МА и понатаму не го доставува кодот без којшто тргувањето и набавката на природен гас не би можел да се изведе според новите правила кои што токму државните институции најавија дека ќе важат од први јануари.

    НАЈНОВИ ВЕСТИ