среда, февруари 21, 2024
spot_img
Повеќе

    Бензините се намалуваат, цената на дизелот останува иста

    Бензинот ЕУРОСУПЕР БС-95 од ноќеска на полноќ  поевтинува за 2,5 денари, а ЕУРОСУПЕР БС-98 за три денари, а нема промени на цените на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), одлучи денеска Регулаторната комисија за енергетика.

    Литар ЕУРОСУПЕР БС – 95 ќе се продава за 83,50 денари, а 85,5 денари ќе чини ЕУРОСУПЕР БС – 98. Цената на  ЕУРОДИЗЕЛ БС (Д-Е V) останува 86 денари за литар, а на маслото за горење Екстра лесно 1 (ЕЛ-1) 85 денари.

    За 1,691 денар се намалува и цената на Мазутот М-1 НС и килограм ќе чини 46,976 денари.

    Со Одлуката на РКЕ се врши намалување на малопродажните цени на нафтените деривати во просек за 1,95 проценти во однос на одлуката од 2-ри месецов.

    РКЕ информира дека референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 6,215 проценти, кај дизелот за 1,205 проценти, кај екстра лесното масло има намалување за 1,350 проценти, а кај мазутот намалувањето е за 4,990 проценти. Курсот на денарот во однос на доларот во изминатиот период по кој беа формирани цените со претходната пресметка е повисок за 0,546 проценти.

    НАЈНОВИ ВЕСТИ