Гувернерката на Народната банка вели дека се направени потребните измени на регулативата
Можат да се прават трансакции во рубљи за плаќање на рускиот природен гас ако е тоа потребно, смета гувернерката на Народната банка, Анита Ангеловска–Бежоска.
„Сите предуслови се создадени и не гледам дека треба да има некоја пречка за плаќање на начин на које потребно, рече Ангеловска-Бежоска, одговарајќи на прашање, на денешната прес-конференција, дали домашните институции се подготвени да плаќаат природен гас во руски рубљи.
Гувернерката посочи дека не постојат никакви регулаторни пречки за редовна достава и плаќање на гасот.
„Се што беше до Централната банка како регулатива веќе е подготвено. Во текот на минатиот месец направена е измена и компаниите кои се увозници на гас немаат никаква пречка во делот на навременото снабдување“, рече Бежоска.