Рускиот претседател Владимир Путин денеска соопшти дека Русија ќе прифати плаќања само во рубљи за испорака на гас за „непријателските земји“, кои ги вклучуваат сите членки на ЕУ, откако Москва беше погодена од невидени санкции поради нејзината инвазија Украина.
– Русија отсега ќе прифаќа плаќање за извозениот природен гас во непријателските земји само во рубљи, изјави рускиот претседател Владимир Путин на денешната владина средба, која беше пренесувана во живо на телевизија.
Путин додаде дека Русија ќе продолжи да испорачува гас во согласност со обемот и принципите на цените на договорите. Ќе се промени само валутата на плаќање.
Рускиот лидер објасни дека Русија планира да се откаже од сите „компромитирани“ валути во плаќањата. Тој додаде дека нелегитимните одлуки на голем број западни земји за замрзнување на средствата на Русија ја уништиле сета доверба во нивните валути.
По одлуката на Путин увозниците од „непријателските земји“ да плаќаат во рубљи, цената на гасот во Европа скокна за околу 20 отсто по одлуката на Путин увозниците од „непријателските земји“ да плаќаат во рубљи.
Цената на гасот во Европа надмина 1.350 долари за 1.000 кубни метри, покажуваат податоците на лондонската берза ICE.
Априлската цена на фјучерсите во центарот ТТФ во Холандија се искачи на 1.353 долари за 1.000 кубни метри или 118,75 евра за мегават час.