петок, декември 3, 2021
spot_img
Повеќе

    Заев: Ќе се активираат сите ресурси за производство на електрична енергија за граѓаните

    Тој вели дека, ако биде потребно, подготвени се посебни пакети, како ваучери, за домаќинствата, кои од економско-социјален аспект ќе ја компензираат евентуалната разлика во цената

     

    Државата ја гарантира цената на струјата и таа нема да се промени до крајот на годината, затоа што ќе се активираат сите домашни ресурси за производство на електрична енергија за вкупните потреби на граѓаните, рече премиерот Зоран Заев, во гостување на ТВ Сител.

    „Доколку е потребно, подготвени се посебни пакети, како ваучери, за домаќинствата, кои од економско-социјален аспект ќе ја компензираат евентуалната разлика во цената како инструменти за поддршка на граѓаните“, нагласи Заев.

    Тој додаде дека станува збор за меѓународен проблем кој се прелева и во нашата земја, како отворена економија која и во таква ситуација се грижи за социјалниот аспект и за ублажување на влијанијата на отворените берзи за струја, каде што цената е повисока за три до четири пати.

    „Како што се погриживме за ублажување на последиците од растот на цената на струјата со намалување на ДДВ, така подготвуваме и соодветен пакет во интерес на граѓаните. Се откажавме од приходи во државата, во интерес на социјалната и економска сигурност на граѓаните“,потенцираше претседат елот на Владата

    Тој посочи дека се преземени сите активности за активирање на третиот блок на РЕК „Битола“, со набавка на дополнителни количини јаглен, со што ќе се активира повторно и „Осломеј“, а со стопанските комори е остварена комуникација за подготвеност за набавка на мазут за ТЕЦ „Неготино“.

    „Енергетскиот систем треба да се гледа во неговиот полн капацитет. Ние треба да го исполниме системот со производство прво од сите можни домашни капацитети, а потоа да се види дали треба преку мрежата да се избалансира недостатокот од електрична енергија, но се надевам дека за тоа нема да има потреба“, рече Заев.

    НАЈНОВИ ВЕСТИ

    Струја