Владата денеска на седница ја разгледа оставката на генералниот директор на Електрани на Северна Македонија, Васко Ковачевски и му препорача на Надзорниот одбор на претпријатието да ја констатира оставката.
За нов генерален директор на АД ЕСМ е предложен Васко Стефанов, а за нова директорка за финансиски работи Марија Пејкова која доаѓа на местото на Добрила Стефанова, која заминува во пензија.
Премиерот Димитар Ковачевски минатата недела на прес-конференција соопшти дека генералниот директор на АД ЕСМ поднел оставка од лични причини.