Опозицијата го посочува Тиквешкото Езеро како пример дека, „незасинтноста на власта и засиленото производство на електрична енергија во текот на летото“ го намалија нивото и на вештачките езера
Засиленото производството на електрична енергија во текот на летниот период од хидроелектрани ги пресуши езерата ширум државата, тврди ВМРО-ДПМНЕ, посочувајќи дека тоа е резултат на „незаситноста“ на власта.
Цветан Трипуновски, поранешен дополнителен заменик-министер за заемјоделство од ВМРО-ДПМНЕ во техничката влада, како пример го посочи Тиквешкото Езеро, најголемото вештачко езеро во земјава, кое, според него, е доведено на праг на „биолошки минимум“.
„Моментално водата во езерото е падната за 24 метри од минималната кота на самото езерото. Проблемот што Зоран Заев го создаде е повеќестран. Прво езерата се пресушени и нема да може да се користат во догледен период за производство на струја, па така сега ќе купуваме поскапа струја, а загубите ќе бидат огромни. Второ, голем број од акумулациите, како што е случајот и со Тиквешкото Езеро се користат и за наводнување на земјоделските површини, па така се доведува во прашање и следната земјоделска сезона. Трето, се загрозува и рибниот фонд и се нарушува туристичката слика за езерото, бидејќи истото се користи и за рекреативни цели“, наброи Трипуновски.
