среда, април 17, 2024
spot_img
Повеќе

    Стефанов ја презеде директорската функција на ЕСМ од Ковачевски

    Во просториите на АД ЕСМ денеска се одржа примопредавање на должноста генерален директор. Новоименуваниот генерален директор Васко Стефанов ја презеде функцијата од досегашниот генерален директор Васко Ковачевски.

    Стефанов и Ковачевски си посакале многу успех и ефикасно справување со предизвиците што претстојат.

    – Чест ми е што сум именуван за нов генерален директор на АД ЕСМ. Денес имав продуктивна средба со досегашниот генерален директор Васко Ковачевски. ЕСМ ќе продолжи посветено и транспарентно да се подготвува за следната грејна сезона, изјавил генералниот директор Стефанов.

    Васко Стефанов е новиот генерален директор на АД ЕСМ, откако досегашниот директор Васко Ковачевски ја депонираше својата оставка. Надзорниот одбор на АД ЕСМ ја констатираше оставката на Васко Ковачевски од должноста член и претседател на Управен одбор, со назив генерален директор, а за нов член и претседател на Управниот одбор и генерален директор на АД ЕСМ, по препорака на Владата, го избра Васко Стефанов, соопштија од АД „Електрани на Северна Македонија“.

    Стефанов, на новата позиција доаѓа со претходно искуство од АД Водостопанство и АД Пошти на РСМ, каде што бил генерален директор.

    НАЈНОВИ ВЕСТИ