Грчката енергетска компанија ППЦ, најголемото јавно претпријатие во Грција, ќе започне со зголемување на акционерскиот капитал во износ од околу 750 милиони евра, објави во четвртокот компанијата.
ППЦ има намера да отвори книга со понуди за одредување на нивото на цената на акциите, а потегот е насочен кон финансирање на ажурираниот стратешки план на корпорацијата.
Процесот треба да го намали државниот удел во компанијата под 51%, од сегашните 55,05% што државата ги контролира директно или индиректно. Приватните инвеститори ги држат останатите 44,95%.
