Полска ќе побара од Европската комисија да одобри државна финансиска помош за изградба на нуклеарна централа, изјави денеска министерот за енергетика Пјотр Наимски.
Најголемото производство на електрична енергија во Полска доаѓа од согорување на јаглен, поради што Владата на таа земја сака да ги намали емисиите на штетни гасови, согласно стандардите на Европската унија.
Државата сака да изгради нуклеарна централа со енергетски капацитет од шест до девет гигавати.Електраната треба да биде завршена во 2033 година, но сè уште нема финансиска конструкција.
На почетокот на оваа недела, Полска и САД постигнаа договор според кој Варшава би купила делови нуклеарна технологија во вредност од 18 милијарди долари од Американците.
