четврток, март 4, 2021

ЕДС доминира на целосно либерализираниот пазар на струја во С. Македонија

Компанијата ЕДС, како доминантен играч продаде најмногу струја до крајните потрошувачи во 2019, годината во која за прв пат започна да функционира целосно либерализираниот...
Повеќе

    Обновливите извори за прв пат генерираат повеќе енергија отколку фосилните горива во Европа

    Повеќе од една петтина од енергијата на Европа беше генерирана од соларни панели и турбини на ветер во првата половина на 2020 година.

    Производството на соларна и ветерна енергија беше поголемо во некои европски земји. Данска е на врвот, генерирајќи 64 проценти од својата енергија од овие обновливи извори, тесно следена од Ирска (49 проценти) и Германија (42 проценти), според извештајот на независниот тинк-тенк центар „Ембер“.

    Во полугодишниот преглед, производството од сите обновливи извори на енергија – вклучувајќи ветер, соларна, хидроелектрична енергија и биоенергија – го надминало производството на енергија од фосилни горива за прв пат досега. Овие извори произвеле 40% од енергијата во ЕУ од јануари до јуни, додека фосилните горива се застапени со 34%.

    Пад на производството на енергијата од јаглен

    Минатата година употребата на јаглен за производство на електрична енергија низ целиот свет падна за рекордни 3 %. Делумно поради КОВИД-19, производството на јаглен во првата половина на 2020 година повторно ги сруши рекордите со пад од 8,3 %. Во ЕУ, падот беше поголем, бидејќи производството на енергија од јаглен падна за скоро третина.

    И покрај тоа, јагленот сепак произведе третина од светската електрична енергија во првите шест месеци од годинава и експертите предупредуваат дека се потребни подраматични намалувања на употребата на фосилни горива за да се ограничат климатските промени.

    Latest Posts

    НАЈНОВИ ВЕСТИ

    Струја