Согласно податоците за движењето на цените на берзата HUPX во Унгарија за 13 јануари просечната часовна цена на еден мегават час електрична енергија (baseload) изнесува 162,02 евра/mwh.
Цената на електричната енергија во текот на дневните часови (9:00 – 20:00) (peakload) постигна ниво од 190,76 евра за мегават час. Просечната цена на електричната енергија во текот на месец јануари до сега, (baseload till date) изнесува 137,20 евра за мегават час, што е за околу 123 евра пониска од цената по која што електрична енергија се тргуваше во текот на декември.
Инаку, интересно е дека на првиот ден од 2023 година цената на електричната енергија на HUPX берзата во петтиот и седмиот час беше негативна, односно берзата плаќање за енергијата поради малата побарувачка за струја.
Оваа информација ја подготви тимот на ЕДС, со цел да се зголеми свесноста и информираноста за движењето на цената на електричната енергија и со тоа да им се помогне на компаниите при планирањето на буџетите и контрола над потрошувачката на електрична енергија.