четврток, јуни 17, 2021
spot_img
Повеќе

    Бектеши објасни кои се условите за учество на тендерот за изградба на гасоводниот систем

    Турските компании „Акса Догалгас Дагити А.С.“ и „Палмет Енерџи Аноним Ширкети“ ќе се „натпреваруваат“ во постапка за конечен избор на компанија со која ќе се воспостави јавно- приватно партнерство

    Најмалку пет години искуство во дистрибуција на природен гас, најмалку 100 илјади корисници приклучени во нивниот систем за дистрибуција, да имааат дистрибуирано најмалку 3 милијарди м3  во последните три години и најмалку 150 милиони евра годишен приход во последните 3 години. Тоа се условите што требало да ги исполнат заинтересираните инвеститори за учество на јавниот повик  што го објави Министерството за економија за изградба на магистралниот гасовод.

    Две турски компании влегоа во конкуренција за изградба на магистралниот гасовод во Северна Македонија, објави министерот за економија Крешник Бектеши, појаснувајќи ја вчерашната одлука на Владата.

    „Компаниите ‘Акса Догалгас Дагити А.С.’ и ‘Палмет Енерџи Аноним Ширкети’ доставија понуди за изградба на магистралниот гасовод во земјата. Врз основа на извештајот на Министерството за економија, вчера Владата донесе одлука со која овие две компании ќе бидат поканети да учествуваат во втората фаза на конкурентен дијалог. Тоа значи дека овие две компании ќе учествуваат во тендерската постапка до третата фаза која значи конечен избор на компанија со која ќе се воспостави јавно- приватно партнерство за финансирање, проектирање, изградба, управување, одржување и развивање на дистрибутивниот систем на природен гас во Северна Македонија“ напиша Бектеши на Фејсбук.

    Министерството за економија и Владата, вели тој, имаат амбициозен план за гасификација на земјата. Природниот гас е едно од горивата што значително ќе придонесе за енергетска транзиција до 2040 година.

    „Затоа гасификацијата е од круцијално значење за економијата и е од бенефит како за граѓаните така и компаниите, за животната средина и за општеството во целост. Оправданоста за доделување на договор за воспоставување јавно-приватно партнерство за финансирање, проектирање, изградба, управување, одржување и развивање на дистрибутивниот систем на природен гас во С Македонија, произлегува од фактот што на граѓаните како и субјектите од комерцијалниот и јавниот сектор треба да им се понуди и друга можност за снабдување со гас, како поеколошки енергенс, во споредба со постојните енергенси“, вели Бектеши.

    Latest Posts

    НАЈНОВИ ВЕСТИ

    Струја