Соларната енергија ќе биде најголемиот извор на енергија во Европа, во однос на инсталираниот капацитет, во рок од пет години, откри во вторникот шефот на Меѓународната агенција за енергија (ИЕА) Фатих Бирол.
Тој изјави на Самитот за соларна енергија на SolarPower Europe: „Нашите бројки покажуваат дека ако Европа е заинтересирана и е во состојба да ја следи нето-нултата цел, во рок од пет години соларната енергија ќе биде број еден капацитет за електрична енергија во Европа, престигнувајќи ги сите“.
Бројките на кои се повикуваше Бирол ќе бидат објавени во IEA’s World Energy Outlook 2020 на 13 октомври.
„Чистата енергија мора да биде во основата на глобалното економско закрепнување. Соларната енергија беше неопходна во понудата за време на пандемијата и со помош на #EUGreenDeal, Европа ќе го води светот во обезбедувањето соларни и обновливи технологии “, рече денес Бирол.
SolarPower Europe очекува да има инсталирано меѓу 180,1 GW и 276,8 GW капацитети на фотоволтаици преку ЕУ-28 (вклучително и Велика Британија) до крајот на 2023 година, за разлика од 131,9 MW на почетокот на оваа година.
Според SolarPower Europe, минатата 2019 година беше најсилната година на раст на фотовиолтаичниот капацитет во ЕУ од 2010 година, со додадени 16,7 гигавати (GW) инсталации во регионот – раст од 104 проценти во споредба со капацитетот од 8,2 GW што го додаде ЕУ во 2018 година. Шпанија беше најголемиот пазар во Европа во 2019 година, следен од Германија, Холандија, Франција и Полска, кои за речиси четири пати ги зголемија своите инсталирани капацитети на фотоволтаици.
Соларната енергија генерира нешто повеќе од 110 GWh електрична енергија во дваесети и седумте членки на ЕУ во 2018 година, според последните официјални податоци на ЕУ, во споредба со 227,4 GWh добиена од ветер, 389,6 GWh од хидро, 491,5 GWh од природен гас и 595,6 GWh од јаглен.
Неодамна, Европската комисија ги постави плановите за зголемување на целта на ЕУ за обновлива енергија во 2030 година од сегашните 32 на 38-40 проценти.
